ابتسامة: وصيه ام سودانيه لإبنها عند اختيار شريكه حياته

وصيه ام سودانيه لإبنها عند اختيار شريكه حياته

وصيه ام سودانيه لإبنها :
 عند اختيار شريكه حياته:
ياولدي إنت خلاص الشيب ملأ راسك وقربت تصدي خلاص ماتشوف ليك واحده تعرسا…?
والله ياحاجه انا زاتي بفكر في الموضوع دا..
رايك شنو في بت جيرانا إيمان المحاسبه!!!
 اجي اجي..
تعرس المحاسبه..
 عشان تحسب ليك جياتك وطلعاتك
 ومرقاتك وقروشك
والله دي نفسك الطالع ونازل تحسبو ليك
  لا لا لا مابدورا ليك ..
انا زاتي يا امي كاشي منها لكن قلتا زولا بعرفا وكدا..
خلاص طيب بت عمي سعاد الاستاذه كيف!!!
ياولدي من محاسبه لي استاذه..
والله دي تعرسا :
تلبسك لبس موحد ..
وتوقفك طابور من الصباح
وابقي راجل ماتصحح كراسك
 والعجب الامتحانات تمتحنك عديل كدا..لا لا لا
شوف غيرا …
طيب متزكره بت صاحبتك ام الحسن..

اسي بقت باشمهندسه قدر الدنيا!!!

انت يا ولدي بتهري مصاريني عديل كدا..

المهندسه دي كان اتشاكلتو ساي مشكله..
وتشبكك تعال نرسم خريطه حياتنا من منظار التفاؤل..
وتشبكك احسبا لي..
لا لا لا شوف غيرا…
والله احترتا معاك يا امي عديل كدا ..
شوفي انتي طيب ..
ايواا ده الكلام الزين يا ولدي..
عندي ليك دكتورة حلاااتا..
كملت نقتا كلها في المستشفي..
ولابتنقنق فيك..
شيل المراجع و النبطشيات والجري هدن حيلا..
ولا بتقدر تتشاكل معاك..
واتعودت علي اكل المستشفيات..
كان اكلتها بي مويه مافارقه معاها..
ومن زمان نست السوق..
ولابتقول جيب داك وداك..
ولا فاضيه لي قعده النسوان والشمارات..
وبتريحك من الدوا والعلاج..
وفوق دا كلو..
يومك التزهج منها..
تحرش ليها المدير الطبي..
يقعدا ليك في المستشفي يومين..
فأبتسم حتي ظهرت نواجذه وقال:
اها..حنمشي ليهم متييييين؟؟؟؟؟

منقول

????
?? ??

Print Friendly, PDF & Email

قم بكتابة اول تعليق

Leave a Reply

لن يتم نشر بريدك الالكتروني في اللعن