قصة الصوت العالى للاستاذة ﻋﻠﻮﻳﻪ ذات الخبرة المهنية المشودة (الجن الكلكي)

زواج المراة الثانية فى السودان

زواج المراة الثانية فى السودان ﻻﻥ ﺻﻮﺕ ﻋﻠﻮﻳﻪ ﻛﺎﻥ ﺍﻻﻋﻠﻲ , ﻭﻫﻰ ﻣﻌﻠﻤﻪ ﻣﺸﻬﻮﺩ ﻟﻬﺎ ﺑﺎﻟﺨﺒﺮﻩ ﻓﻲ ﻣﻬﻨﺘﻬﺎ ﻭﻣﺤﺘﺮﻣﻪ
ﻣﻦ ﻛﻞ ﺭﺟﺎﻝ ﻭﻧﺴﺎﺀ ﺍﻟﺤﻰ , ﻭﺗﻠﻔﺖ ﺍﻟﻨﺎﺱ ﻭﺻﻮﺕ ﻋﻠﻮﻳﻪ ﻳﺼﻠﻬﻢ ﻭﺍﺿﺢ ﺍﻟﻨﺒﺮﺍﺕ ﺧﻠﻴﺘﻚ ﻟﻲ ﺍﻟﻠﻪ ﻳﺎ ﻭﺩ ﺍﻟﺴﺮﺓ , ﻣﺎﻋﺎﻓﻴﺔ ﻟﻴﻚ ﺗﻌﺒﻲ ﻭﺳﻬﺮﻱ ﻭﻣﺎﻫﻴﺘﻲ ﻳﺎﻣﻨﺎﻓﻖ ﻳﺎﺍﻛﻀﺎﺏ , ﺣﺴﻦ : ﻳﺎﻋﻠﻮﻳﻪ ﺧﻠﻴﻚ ﻋﺎﻗﻠﻪ ﺍﻻﻣﻮﺭ ﻣﺎ ﺑﻌﺎﻟﺠﻮﻫﺎ ﺑﺎﻟﻄﺮﻳﻘﻪ ﺩﻱ ﺍﻋﻘﻠﻲ ﻳﺎﺍﺳﺘﺎﺫﺓ , ﺍﻟﻨﺎﺱ ﺳﺎﻣﻌﻨﻚ , ﺧﻠﻴﻬﻢ ﻳﺴﻤﻌﻮ ﻭﻳﻌﺮﻓﻮﻙ ﻋﻠﻲ ﺣﻘﻴﻘﺘﻚ , ﺩﻱ ﺍﺧﺮﺗﻬﺎ ﻳﺎﻭﺩ ﺍﻟﺴﺮﺓ؟
. ﻭﺍﻟﻠﻪ ﺍﻧﺎ ﺣﻘﻲ ﻣﺎﺑﺨﻠﻴﻬﻮ ﻭﺍﻟﻠﻪ ﺗﺪﺷﺮﻭ ﺩﻡ ﻫﻨﺎ ﻗﺪﺍﻣﻲ ﺍﻟﻠﻴﻠﻪ , ﻳﺤﻠﻚ ﻣﻨﻲ ﺍﻟﻠﻪ , ﻭﻫﻨﺎ ﻟﻢ ﻳﺠﺪ ﻋﻘﻼﺀ ﺍﻟﺤﻲ ﺑﺪﺍﺀ ﻣﻦ ﺩﻓﺮ ﺍﻟﺒﺎﺏ ﻭﺍﻟﺪﺧﻮﻝ , ﻭﺻﺎﺡ ﻳﻌﻘﻮﺏ ﻣﺆﺫﻥ ﺍﻟﺠﺎﻣﻊ ﺍﻟﺴﻼﻡ ﻋﻠﻴﻜﻢ ﻳﺎﺍﺳﺘﺎﺫﺓ ﻣﺎﻟﻮ ﺻﻮﺗﻚ ﻋﺎﻟﻲ , ﻋﻠﻮﻳﺔ : ﺍﻟﻤﺎﺑﺨﻠﻴﻬﻮ ﻳﻌﻼ ﺷﻨﻮ ﻳﺎﺣﺎﺝ ﻳﻌﻘﻮﺏ ﺩﻩ ﺟﺰﺍﺀ ﺍﻻﺣﺴﺎﻥ؟
ﻭﺗﺪﺧﻞ ﺣﺴﻦ : ﺍﺗﻔﻀﻠﻮ ﻳﺎﺍﺧﻮﺍﻧﺎ ﻣﺎﻓﻲ ﻣﺸﻜﻠﻪ , ﻻ ﺧﻴﺮ ﺍﻧﺸﺎﺀ ﺍﻟﻠﻪ , ﻋﻠﻮﻳﻪ : ﻣﺎﺧﻴﺮ ﻭﻻ ﺣﺎﺟﻪ ﻳﺎﺭﺍﺟﻞ , ﺍﻟﺼﺎﻓﻲ ﺑﻨﺎﻉ ﺍﻟﺪﻛﺎﻥ : ﻳﺎﺍﺧﻮﺍﻧﺎ ﻛﻞ ﺣﺎﺟﻪ ﻋﻨﺪﻫﺎ ﺣﻞ , ﺍﺳﺘﻬﺪﻭ ﺑﺎﻟﻠﻪ ﻭﺭﻭﻧﺎ ﺍﻟﺤﺎﺻﻞ , ﻳﺎﺍﺳﺘﺎﺫﻩ ﺍﻧﺘﻲ ﺯﻭﻟﻪ ﻣﻀﺮﺏ ﻣﺜﻞ ﻓﻲ ﺍﻟﺤﻰ , ﺣﺎﺝ ﻋﻠﻲ : ﻳﺎﺍﺳﺘﺎﺫﻩ ﻳﺎﺑﺘﻲ ﻋﻠﻲ ﺍﻟﻄﻼﻕ ﺗﻘﻌﺪﻱ ﻭﺗﻬﺪﻱ ﻭﻧﺴﻤﻌﻚ , ﻭ ﺟﻠﺴﺖ ﻭﻫﻲ ﺗﺘﺤﺴﺒﻦ , ﻣﻦ ﻣﺤﻦ ﺍﻟﺰﻣﻦ , ﺣﺎﺝ ﺍﻟﺼﺎﻓﻲ : ﻓﻲ ﺷﻨﻮ ﻳﺎﺍﺧﻮﻧﺎ ﻣﺎﻣﻦ ﻋﻮﺍﻳﺪﻛﻢ ﺻﻮﺗﻜﻢ ﻳﻌﻼ؟ ﻋﻠﻮﻳﻪ : ﺍﺳﺎﻟﻮ ﻫﻮ ﻛﺎﻥ ﺑﻘﺪﺭ ﻳﺮﺩ ﻣﺎﺗﺘﻜﻠﻢ ﻣﺎﻟﻚ ﺍﺗﺒﻜﻤﺖ؟ ﺣﺴﻦ : ﺍﺗﻜﻠﻢ ﺍﻗﻮﻝ ﺷﻨﻮ؟؟ﻋﻠﻮﻳﻪ , ﺗﻘﻮﻝ ﺍﻟﺤﻘﻴﻘﻪ ﻭﻗﺪﺍﻡ ﺍﻟﻨﺎﺱ ﺩﻱ ﻛﻠﻬﺎ ﻭﺑﻌﺪﻫﺎ ﺍﻧﺎ ﻣﺎﺑﺴﻴﺐ ﺣﻘﻲ ﻭﺍﻟﻠﻪ ﻳﺎﺣﺴﻦ ﻛﺎﻥ ﻣﺎﺑﻴﻌﺘﻚ ﺍﻟﻮﺭﺍﻙ ﻭﺍﻟﻘﺪﺍﻣﻚ ﻣﺎﺍﺑﻘﻲ ﻋﻠﻮﻳﻪ ﺑﺖ ﺣﺎﺝ ﺍﻟﺠﺎﻙ ,, ﻭﻫﻨﺎ ﺗﺪﺧﻞ ﻳﻌﻘﻮﺏ : ﻳﺎﻋﻠﻮﻳﻪ ﻳﺎﺑﺘﻲ , ﻓﻲ ﺷﻨﻮ ﻳﺎﺣﺴﻦ؟ ﺗﻠﻔﺖ ﺣﺴﻦ : ﻭﺍﻟﻠﻪ ﺍﻧﺎ ﺯﺍﺗﻲ ﻣﺎﻋﺎﺭﻑ ﻓﻲ ﺷﻨﻮ . ﻗﺎﻋﺪﻳﻦ ﻓﻲ ﺍﻣﺎﻥ ﺍﻟﻠﻪ ﻓﺠﺎﺀﺓ ﻋﻠﻮﻳﻪ ﺩﻱ ﻗﺎﻣﺖ ﺯﻱ ﺍﻻﻋﺼﺎﺭ ﻟﺤﺪﻱ ﻣﺎﺟﻴﺘﻮ ﺍﻧﺘﻮ ﺍﻧﺎ ﺯﺍﺗﻲ ﺩﺍﻳﺮ ﺍﻋﺮﻑ ﻓﻲ ﺷﻨﻮ ؟ ﻋﻠﻮﻳﻪ : ﻳﺎﺭﺍﺟﻞ ﻣﺎﻛﻔﺎﻳﻪ ﻧﻔﺎﻕ ﻭﺗﻤﺜﻴﻞ ﻭﻭﺭﻱ ﺍﻟﺮﺟﺎﻝ ﺩﻳﻞ ﻓﻲ ﺷﻨﻮ؟؟ ﻧﻈﺮ ﺍﻟﺠﻤﻴﻊ ﺍﻟﻲ ﺣﺴﻦ ﺍﻟﺬﻱ ﺑﺪﺕ ﻋﻠﻴﻪ ﺍﻟﺪﻫﺸﻪ , ﺣﺎﺝ ﺍﻟﺼﺎﻓﻲ : ﻃﻴﺐ ﻭﻗﺖ ﻫﻮ ﺳﻜﺖ ﻗﻮﻟﻲ ﺍﻧﺘﻲ ﻳﺎﺑﺘﻲ ﻓﻲ ﺷﻨﻮ ؟ .
ﺍﻟﺮﺍﺟﻞ ﺍﻟﺸﺎﻳﺐ ﺍﻟﻤﺎﺑﺨﺘﺸﻲ ﺑﻌﺪ ﺗﻌﺒﻲ ﻭﻭﻗﻮﻓﻲ ﻣﻌﺎﻩ , ﻭﺑﻬﺪﻟﺘﻰ ﻣﻦ ﺑﻴﺖ ﻟﻲ ﺑﻴﺖ ﻭﻣﻦ ﺣﻠﻪ ﻟﻲ ﺣﻠﻪ ﻭﻟﻤﻦ ﺍﻟﻠﻪ ﻓﺘﺤﻬﺎ ﻋﻠﻴﻪ ﺩﺍﻳﺮ ﻳﻌﺮﺱ , ﻭﻣﺎﺑﺨﺠﻞ ﺷﺎﻓﻌﻪ ﺻﻐﻴﺮﻩ ,, ﺩﻱ ﺍﺧﺮﺗﻬﺎ ﻳﺎﺣﺴﻦ؟؟ﻭﻧﻈﺮ ﺍﻟﺠﻤﻴﻊ ﺍﻟﻲ ﺣﺴﻦ , ﻭﺻﺎﺡ : ﻳﺎﻣﺮﺓ ﻋﺮﺱ ﺷﻨﻮ ﺍﻧﺘﻲ ﺟﻨﻴﺘﻲ ﻭﻻ ﺷﻨﻮ؟ ﻋﻠﻮﻳﻪ : ﻣﺎﺟﻨﻴﺖ ﻭﻻ ﻓﻲ ﺯﻭﻝ ﺟﺎﺑﻮ ﻟﻲ , ﺩﻩ ﻛﻼﻣﻚ ﺍﻧﺖ , ﺣﺎﺝ ﺍﻟﺼﺎﻓﻲ : ﻳﺎﺣﺴﻦ ﻋﻠﻮﻳﻪ ﺩﻱ ﻛﻼﻣﻬﺎ ﺻﺎﺡ؟ ﺣﺴﻦ : ﻣﺎﻓﻲ ﺍﻱ ﺣﺎﺟﻪ ﺯﻱ ﺩﻱ , ﻫﻮ ﻓﻲ ﺯﻭﻝ ﺿﺎﻕ ﺍﻟﻌﺮﺱ ﺗﺎﻧﻲ ﻳﻤﺸﻲ ﻳﻜﻮﺳﻮ , ﻭﺗﺪﺧﻞ ﻳﻌﻘﻮﺏ : ﺟﺒﺘﻲ ﺍﻟﻜﻼﻡ ﺩﻩ ﻣﻦ ﻭﻳﻦ ﻳﺎﺑﺘﻲ . ؟ ﻋﻠﻮﻳﻪ : ﻣﻦ ﻫﻮ ﻛﻤﺎﻥ ﺩﺍﻳﺮ ﺗﻨﻜﺮ؟ ﺣﺴﻦ : ﺍﻧﻜﺮ ﺷﻨﻮ ؟ﺍﻧﺎ ﻣﺘﻴﻦ ﻗﻠﺘﻪ ؟ﻋﻠﻮﻳﺔ : ﻣﺎﻗﻠﺘﻮ ﻟﻜﻦ ﺳﻤﻌﺘﻚ ﻓﻲ ﺍﻟﺘﻠﻔﻮﺕ ﺑﺘﺘﻜﻠﻢ ﻣﻊ ﻃﻪ ﺻﺎﺣﺒﻚ ﻭﻗﻠﺖ ﻟﻴﻬﻮ ﺍﻧﺎ ﻣﺎﺩﺍﻳﺮ ﺍﻟﻜﺒﻴﺮﺓ , ﺍﺩﻭﻧﻲ ﺍﻟﺼﻐﻴﺮﻩ ﺍﻟﺼﻔﺮﺍﺀ ﻭﺍﻟﻠﻴﻠﻪ ﻗﺒﺎﻝ ﺑﺎﻛﺮ ﺍﻧﺎ ﺗﻌﺒﺖ ﻭﺩﺍﻳﺮ ﺍﺭﺗﺎﺡ . ؟ ﻭﻧﻈﺮ ﺍﻟﺠﻤﻴﻊ ﺍﻟﻲ ﺣﺴﻦ ﺍﻟﺬﻱ ﻗﺎﻝ , ﻻﺣﻮﻻ ﻭﻻﻗﻮﻩ ﺍﻻ ﺑﺎﻟﻠﻪ ﺍﻧﺎ ﻛﻨﺖ ﺑﺘﻜﻠﻢ ﻣﻊ ﻃﻪ ﺑﺘﺎﻉ ﺍﻟﻐﺎﺯ , ﻟﻰ ﻛﻢ ﻳﻮﻡ ﺑﻤﺸﻰ ﻟﻴﻬﻮ ﻟﻤﻦ ﺑﻘﻴﻨﺎ ﺍﺻﺤﺎﺏ , ﺿﺮﺑﺖ ﻟﻴﻪ
ﺍﺳﺎﻟﻮ ﻣﻦ ﺍﻟﻐﺎﺯ ﻗﺎﻝ ﻟﻲ ﻋﻨﺪﻧﺎ ﺍﻟﻜﺒﻴﺮﺓ ﺑﺘﺎﻋﺖ ﺍﻟﻤﻄﺎﻋﻢ ﻗﻠﺖ ﻟﻴﻬﻮ ﺍﻧﺎ ﺩﺍﻳﺮ ﺍﻟﺼﻐﻴﺮﺓ ﺍﻟﺼﻔﺮﺓ .. ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻭ ﺗﺤﻮﻟﺖ ﺍﻻﻧﻈﺎﺭ ﺍﻟﻲ ﻋﻠﻮﻳﻪ ﺍﻟﺘﻲ ﻧﻈﺮﺕ ﺍﻟﻲ ﺍﻻﺭﺽ ﺛﻢ ﻗﺎﻟﺖ ,, ﻛﺪﻱ ﻧﻘﻮﻡ ﻧﻮﻟﻊ ﺍﻟﻔﺤﻢ ﺍﻋﻤﻞ ﻟﻴﻜﻢ ﺷﺎﻱ , ﺍﺻﻠﻮ ﺍﻟﻐﺎﺯ ﺍﻻﻳﺎﻡ ﺩﻱ ﻭﺍﻟﻠﻪ ﺑﻘﻲ ﺗﺎﻋﺐ ﺍﻟﻨﺎﺱ ﻛﻠﻬﺎ

منقووووول

Print Friendly, PDF & Email

قم بكتابة اول تعليق

Leave a Reply

لن يتم نشر بريدك الالكتروني في اللعن