?عادة قبيحه ﻓﻲ مجتمعنا?

?عادة قبيحه ﻓﻲ مجتمعنا?

ﺇﻋﺎﺩﺓ ﺿﺒﻂ ﺍﻟﺨﺼﻮﺻﻴﺔ :

ﻃﻖ ﻃﻖ ﻃﻖ ??

ﺳﻼﻡ ﺃﻫﻞ ﺍﻟﺒﻴﻴﺖ ..

ﺍﻟﺤﺮﻳﻢ ﻭﺍﻟﺒﻨﺎﺕ ﺍﻟﻔﻰ ﻧﺺ ﺍﻟﺤﻮﺵ ﻗﺎﻣﻮ ﻳﺘﻄﺎﻗﺸﻮ ﻭﻳﺘﺠﺎﺭﻭ ذﻯ ﺍﻟﻜﺎﻧﻮ ﻓﻰ ﺷﺎﺭﻉ ﺍﻟﻌﺮﺿﺔ ﻳﻮﻡ ﻛﺘﻤﺔ ﺧﻠﻴﻞ اﺑﺮﺍﻫﻴﻢ ﻭﺍﺣﺪﺓ ﺟﺮﺕ ﺩﺧﻠﺖ ﺍﻟﻤﻄﺒﺦ ﻭﺇﺗﻨﻴﻦ ﺇﺗﺤﺸﺮﻥ ﺗﺤﺖ ﺣﺘﺔ ﻃﺮﺣﺔ ﺯﻯ ﺍﻟﺼﺎﺑﺔ ﻓﻴﻬﻦ ﻣﻄﺮﺓ

ﻭﺍﻷﻡ ﺟﺪﻋﻮ ﻟﻴﻬﺎ اﻟﺘﻮﺏ ﻣﻦ ﺟﻮﺓ ﺍﻟﺒﺮﻧﺪﺓ ﻭﺧﺘﻔﺘﻮ ﻓﻰﺍﻟﻬﻮﺍ ﺑﺤﺮﻛﺔ ﺑﻬﻠﻮﺍﻧﻴﺔ ﻭﻻ ﺑﻮﻓﻮﻥ ﺣﺎﺭﺱ ﻣﺮﻣﻰ ﺇﻳﻄﺎﻟﻴﺎ ..

ﻣﻊ ﻣﻼﺣﻈﺔ ﺇﻧﻮ ﺍﻟﻤﺴﺎﻓﺔ ﺑﻴﻦ ﺍﻟﺼﻔﻘﺔ ?? ﻭﺍﻟﺪﺧﻮﻝ1 ﺛﺎﻧﻴﺔ ﻭ 003 . ﻛﺴﺮ ﻣﻦ ﺍﻟﺜﺎﻧﻴﺔ،

ﻭﺑﻌﺪ ﺩﺓ تلقا ﻭﺍﻗﻒ ﻭﻋﻠﻰ ﻭﺷﻮ ﺇﺑﺘﺴﺎﻣﺔ ﺍﻟﺒﻼﻫﺔ ﺩﻳﻚ ﻭﻳﻘﻮﻝ ﻟﻴﻚ : ﻫﻬﻪ ﺷﻜﻠﻜﻢ ﻳﺎﺩﻭﺏ ﺇﺗﻐﺪﻳﺘﻮ ﻫﻬﻬﻪ ? .!!

ﺃﻧﺎ ﻣﺘﺄﻛﺪ ﺍﻟﺴﻴﻨﺎﺭﻳﻮ ﺍﻟﻔﻮﻕ ﺩة?ﻣﻤﻜﻦ ﺣﺼﻞ ﻟﻠﻐﺎﻟﺒﻴﺔ ﺑﻨﻔﺲ ﺍﻟﺴﻴﻨﺎﺭﻳﻮ ﻭﺑﺤﺼﻞ ﻓﻰ ﺍﻟﻴﻮﻡ ألف ﻣﺮﺓ ﻋﻠﻰ ﻣﺴﺘﻮﻯ ﺍﻟﺴﻮﺩﺍﻥ .!

ﻣﺴﺄﻟﺔ ﺇﻧﺘﻬﺎﻙ ﺍﻟﺨﺼﻮﺻﻴﺔ ﻭﺣﺮﻣﺔ ﺍﻟﺒﻴﻮﺕ ﻣﻦ ﺃﺳﻮﺃ ﺍﻟﻌﺎﺩﺍﺕ ﻋﻨﺪﻧﺎ ﻭﺃﻛﺘﺮﺍ ﺇﻧﺘﺸﺎﺭ ﺑﺼﻮﺭﺓ ﻣﺒﺎﻟﻎ ﻓﻴﻬﺎ

ﻳﻌﻨﻰ ﻣﺎﻓﻰ ﺃﺳﻮﺃ ﻣﻦ ﺇﻧﻮ ﺍﻟﻤﺮﺓ ﺯﻭﺟﺔ او ﺑﺖ ﺍﻭ ﺃﻡ ﺗﻜﻮﻥ ﻓﻰ ﺣﺎﻟﺔ ﺧﻠﻌﺔ ﻭﻋﺪﻡ ﺇﺳﺘﻘﺮﺍﺭ ﻓﻰ ﺑﻴﺘﺎ

24 ﺳﺎﻋﺔ ﻓﻰ ﻭﺿﻊ ﺍﻹﺳﺘﻌﺪﺍﺩ ﻭﺧﺎﺗﺔ ﺗﻮﺑﺎ ﺟﻤﺒﻬﺎ ﺣﺘﻰ ﺟﻮﺓ ﻏﺮﻓﺘﺎ .!!

ﺍﻟﺤﺎﺟﺔ ﺩﻯ ﺇﻃﻼﻗﺎ ﻣﺎﻋﻨﺪﻫﺎ ﻋﻼﻗﺔ ﺑﺎﻟﺤﻨﻴﺔ ﻭﺍﻟﻌﻔﻮﻳﺔﻭﺍﻟﻄﻴﺒﺔ ﻭﻭﻭ. ﺇﻃﻼﻗﺎ ؛

ﺑﺎﻟﻌﻜﺲ ﺩﻯ ﻓﻴﻬﺎ ﺇﻧﺘﻬﺎﻙ ﻏﺮﻳﺐ ﻟﺤﺮﻣﺎﺕ ﺍﻟﻨﺎﺱ ﻭﻋﻮﺭﺍﺗﻢ ..

ﻳﻌﻨﻰ ﻣﺎﻣﻤﻜﻦ ﺇﻧﺖ ﺗﻮﻭﻭﺵ ﺗﺠﻰ ﺩﺍﺧﻞ ﻭﺍﻟﻨﺎﺱ ﻣﺎﺧﺪﺍ ﺭﺍﺣﺘﺎ ؛ ﺣﺘﻰ ﻟﻮ ﺩﻯ ﺧﺎﻟﺘﻚ ﻭﺑﻨﺎﺗﺎ ﺍﻭ ﻋﻤﺘﻚ ﺍﻭ ﺣﺘﻰ ﺃﺧﺘﻚ

ﻭﻣﻦ ﺣﺴﺎﺳﻴﺔ ﺍﻟﻤﺴﺄﻟﺔ ﻭﺧﻄﻮﺭﺗﺎ ﺭﺑﻨﺎ ﻣﻨﺰﻝ ﻓﻴﻬﺎ ﺁﻳﺎﺕ ﺑﺎﻟﺘﻔﺼﻴﻞ

ﻭﺍﻟﺘﻮﺟﻴﻪ ﻟﺪﺭﺟﺔ ﺇﻧﻮ ﺣﺪﺩ ﺣﺘﻰ ﻛﻴﻔﻴﺔ ﺍﻹﺳﺘﺌﺬﺍﻥ ﻭﺍﻟﺰﻳﺎﺭﺓ ﻧﻔﺴﻬﺎ

(ﻳﺄﻳﻬﺎ ﺍﻟﺬﻳﻦ ﺁﻣﻨﻮﺍ ﻻﺗﺪﺧﻠﻮﺍ ﺑﻴﻮﺗﺎ ﻏﻴﺮ ﺑﻴﻮﺗﻜﻢﺣﺘﻰ ﺗﺴﺘﺄﻧﺴﻮﺍ ﻭﺗﺴﻠﻤﻮﺍ ﻋﻠﻰ ﺃﻫﻠﻬﺎ)

ﺣﺘﻰ ﻓﻰ ﺟﺰﺀ ﻣﻦ ﺍﻵﻳﺔ ﺑﻘﻮﻝ:

(فَإِن لَّمْ تَجِدُوا فِيهَا أَحَدًا فَلَا تَدْخُلُوهَا حَتَّىٰ يُؤْذَنَ لَكُمْ ۖ

وَإِن قِيلَ لَكُمُ ارْجِعُوا فَارْجِعُوا)

ﻳﻌﻨﻰ ﻳﺎﺣﺒﻴﺒﻨﺎ ﻋﺎﺩﻯ ﺗﻘﻴﻒ ﻓﻰ ﺍﻟﺒﺎﺏ ﻭﺗﺪﻕ ﻭﻟﻮ ﻣﺎﻓﺘﺤﻮ ﻟﻴﻚ ﺍﻟﺒﺎﺏ ﻋﺎﺩﻯ ﺗﺮﺟﻊ.

ولو قالوا ليك ارجع عادى ترجع وبدون زعل.

ﺑﻌﺪﻳﻦ ﻓﻰ ﺃﻭﻗﺎﺕ ﻣﺤﺪﺩﺓ ﺩﻯ ﺍﻟﺰﻳﺎﺭﺓ ﻓﻴﻬﺎ ﻣﻤﻨﻮﻋﺔ ﺣﺘﻲ للاولاد ﺟﻮﺓ ﺍﻟﺒﻴﺖ ..

ﺍﻷﻭﻻﺩ ﻟﺰﺍﻣﺎ ﻋﻠﻴﻬﻢ ﻳﺴﺘﺄﺫﻧﻮﺍ ﻓﻴﻬﺎ ﻋﻠﻰ ﺍﻟﻮﺍﻟﺪﻳن وﻫﻰ

ﻗﺒﻞﺻﻼﺓ ﺍﻟﺼﺒﺢ

ﻭﺑﻌﺪﺍﻟﻈﻬﺮ

ﻭﺑﻌﺪ ﺍﻟﻌﺸﺎﺀ

ﺧﻼﺹ ﻛﻔﺎﻳﺔ ﻧﻮﻡ ﻋﻠﻰ ﺍﻟﻌﺴﻞ

ﻛﻔﺎﻳﺔ ﺍﻟﺮﻛﻮﻥ ﻟﻌﺒﺎﺭﺓ ﻋﺎﺩﺗﻨﺎ

ﻭﺗﻘﺎﻟﻴﺪﻧﺎ ..

كثير ﻣﻦ ﻋﺎﺩﺍﺗﻨﺎ ﻣﺤﺘﺎﺟﺔ ﻣﺮﺍﺟﻌﺔ ﻭﻓﻠﺘﺮﺓ ﻭﺇﻋﺎﺩﺓ ﻧﻈﺮ .

ﻭﻟﻮ ﺗﻄﻠﺐ اﻟﻤﻮﺿﻮﻉ ﺍﻟﻤﺼﺎﺭﺣﺔ ﻭﺍﻹﺣﺘﺠﺎﺝ ﻭﻗﻮﻝ ﺍﻟﺤﻖ ..

ﻣﻬﻤﺎ ﻛﻨﺖ ﻛﺒﻴﺮ ﻓﻰ ﺍﻟﺴﻦ

ﺃﻭ ﻗﺮﻳﺐ ﻣﺎﻣﻦ ﺣﻘﻚ ﺗﺨﺶ

ﺍﻟﺒﻴﻮﺕ ﺑﺎﻟﻄﺮﻳﻘﺔﺍﻟﻤﺤﺮﺟﺔ ﺩي

،،،،،،،

ﻧﺘﻌﻠﻢ ﺷﻮﻳﺔ ﻧﻈﺎﻡ ﺑﺪﻝ ﺍﻟﻬﺮﺟﻠﺔ ﺍﻟﻌﺎﻳﺸﻴﻦ ﻓﻴﻬﺎ ﺩي

……

أنشرها في كل القروبات العندك عسى ولعل ناس الصفقة?? يتعلمو أدآب الإستئذان

..منقول

Print Friendly, PDF & Email

قم بكتابة اول تعليق

Leave a Reply

لن يتم نشر بريدك الالكتروني في اللعن